Stord Kommune kan verta årets nynorskkommune!

Det er heider og ære det hovudsakleg står på når Stord Kommune kjempar mot Fjell Kommune om å verta årets nynorskkommune. I tillegg til dette ligg det og 100.000 kroner som vert avlevert til vinnaren.

Høyr intervju med Liv Kari Eskeland som er Ordførar i Stord Kommune

Det heile starta då Magnhild Meltveit Kleppa, som er kommunal- og regionalminister, lanserte ein splittar ny pris. Det var først 11 søkjarar om å verta årets nynorskkommune. No er det berre to igjen som sagt. Og i morgon vert det heile avgjort.

I vurderinga av kandidatane til nynorskprisen legg juryen vekt på:

• - Kommunal informasjon/heimeside
  
• - Kommunale planar og målbruksplanar
  
• - Om kommunen er under press når det gjeld bruk av nynorsk
  
• - Om kommunen brukar nynorsk aktivt i eige kulturarbeid og i støtte til kulturarbeid
  
• - Aktiv bruk av nynorsk i barnehagar og skular og arbeid for barn og unge generelt
  
• - Om kommunen har tiltak for kvalitetssikring av det materiale som blir produsert
  
• - Bruk av nynorsk i omdømmearbeid

Adrian Særsten - 31.oktober 2009 kl 11:00:00